फुलं

फूलं किती दिसायला सुंदर असतात निस्वार्थपणे डोलत राहतात आपल्या सौंदर्याची झलक प्रत्येकाला देत राहतात. आयुष्य असचं आहे. जगणं आपल्या हातात आहे.
      फूलं
ओजंळीतली बहुरंगी फूलं
जणू आठवणींचा गुच्छ
त्यांचा पसरलाय सुगंध
त्यापूढे सारेच कसे तुच्छ

शिकावं डोलणं प्रत्येक समयी
ऊत्साहाचा बहर अवखळ नयनी
तग धरावी श्वास रोखून
अंतिम श्वासापर्यंत छाती ठोकून

जगावं स्वतःसाठी करावा विचार
पहावे जगाचे नवनवे आचार
आनंद पसरवावा सगळीकडे
घालावे जिवनाला हेच साकडे

धावून जावाव जमेल तेव्हा
मदतीचा हात करावा पूढे
समाधानान  जरूर जगावे
हसता हसता जगापुढे

-सुप्रिया देवकर.