aai

आई

आई तुझी आठवण आली की

मनसोक्त मला रडता येत

शांत वातावरणात मग मला

आनंदान बहरता येत

हळुवार तुझा स्पर्श आई

शहारून टाकी मजला

डोळ्यातील अश्रू माझ्या

भिजुन टाकी तुजला

झिजुनी चंदनासम आई

मधुगंध मज दिलास

घडविण्यास मज तू

दिवसरात्र एंक केलास

आई तुझ्यासाठीच ग

अजुनी आहे मी लहान

तुझ्या प्रेमाचीच मला

सदेव लागली आहे तहान

गंधाळल्या फुलांनी

शिंपिला ऋतू चांदण्यांचा

निःशब्द मनाच्या कोंदणात

चमकतो तारा तुझ्या प्रेमाचा

बरसुनी आल्या हास्यधारा

तुझे नयनकमल पाहुनी

गालावरती चढली लाली

तुला जवळी बाहुनी

उमलुनी आली प्रीतीलता

शहारे तन क्षणोक्षणी

भाराउनी गेल्या संवेदना

आगळीच भीती माझ्या मनी

sasurvashin

सय येते तुझी माय

दूर देशी तुझी लेक

कासावीस जीव माझा

साद घाली तुला ऐक

अक्षतांचा वाहुनी भार

टाकले पाऊल दुसऱ्या दारी

मायेची सारी मानसं

मला जीव लावती भारी

पर तुझी ओढ मोठी

जन्मदात्री तू लाडकी

तुझ्या कुशीत ग शिरण्या

झाले केव्हाच मी पोरकी

आठवणीत तुझ्या रमताना

उमाळा दाटे माझ्या मनी

सासरी तुझी ग लेक

झाली आता फार जुनी

gandha premacha

गंध तुझ्या प्रेमाचा

दरवळे माझ्या मनी

तुझ्या प्रीतीचा उतसह

संचारला माझ्या मनी

डोळे तुझे  भासतात

जणू सागर लहरी

जशी फुलपाखराची

फुलावर  प्रीती गहरी

तुझ्या शब्दातील गोडवा

हृदयाशी भिडतो

जणू कारंज्यामधुनी

इंद्रधनू हा उडतो

सडा तुझ्या  प्रेमाचा

अंगणी माझ्या पडे

तुझ्या मोहक हसण्यावारी

प्रीती हि माझी जडे

तुझं येण

उमललेल्या कळ्यांना

सांगायचय एक गाणं

तरुण मनात फुललेल

हळुवार तुझ येण

तुझ येण घराला

आनंद देऊन जात

तू कधी येणार आहेस

तुझी वाट पाहत राहत

तुझ्या येण्याने चोहिकडे

पसरलाय हा  सुवास

प्रत्येक पावलागणिक

होत आहेत नवनवे आभास

तुझ्या येण्याने अंगणी

बहरला सोनचाफा

सात रंगाचा जणू

इंद्रधनुतील हा  ताफा