पावसाचा थेंब किती लहान असतो पण त्या थेंबासाठी चातक पक्षी डोळे लाऊन पावसाची वाट पाहत असतो थेंबे थेंबे तळे साचे अस जेव्हा आपण म्हणतो तेव्हा खरच हा थेंब किती महान अस म्हणाव लागेल

थेंब 
पावसाच्या थेंबाच आयुष्य किती महान
तहानलेल्या जीवाची भागते सारी तहान
इवलासा थेंब कधी भरकन मातीला भेटतो
कधीकधी झाडाच्या फांदीला थटतो
टपोरा थेंब कधी पानावर थांबतो
खळखळत मोठ्यांनी कधी गोष्टी सांगतो
अवखळ झऱ्यासोबत शर्यत लावतो
दगडगोट्यासोबत रानीवनी धावतो
थेंबथेंब एक होत होतोय जलाशय मोठा
थेंबानीच जुळवलाय पाण्याचा साठा
थेंब छोटा कि मोठा जिद्द त्याची मोठी
तहानलेल्यासाठी जणू अमृतच ओठी